VW e-Golf
ACC & Front Assist
Kur ndodheni në trafik, ndjeheni më i sigurt kur keni distancë të mjaftueshme me
automjetin para. Për këtë do t'ju ndihmojë rregullatori automatik i distancës
ACC.
ACC mat distancën dhe shpejtësinë e automjeteve para. Në kolona dhe në bllokim
trafiku, sistemi frenon e-Golf-in tuaj në bashkëpunim me kutinë opsionale duale të
shpejtësisë DSG deri në qëndrim të plotë, më pas riniset automatikisht brenda një
kohe të shkurtër. Sistemi mund ta mbajë automjetin tuaj brenda limiteve të
shpejtësisë që shkojnë deri në 210 km/h, në distancën që përcaktoni në raport me
automjetin para.
Ndonjëherë ndodh diçka e papritur, ndaj kërkohet një frenim emergjent. Në këto
raste, sistemi opsional i monitorimit të ambientit Front Assist është i dobishëm.
Nëse pikaset një situatë kritike për përplasje, brenda kufijve të sistemit, do të
paralajmëroheni. Në situatat tejet kritike, sistemi mund t'ju ndihmojë gjatë
frenimit ose frenon automatikisht për të zbutur shpejtësinë e përplasjes.
Funksioni i frenimit emergjent "City" mund të ndërhyjë në trafikun urban me
shpejtësi të ulët. Dhe pikasja e këmbësorëve mund të zbulohet brenda kufijve të
sistemit, për shembull, kur një këmbësor hyn papritur në rrugë. Sistemi i
asistencës ju paralajmëron, ju ndihmon të frenoni ose frenon automatikisht,
gjithmonë brenda kufijve të sistemit. Kështu, në rastin ideal, mund të evitohet
plotësisht një përplasje ose të zbuten pasojat e saj.
**Prej datës 1 shtator 2017, disa automjete të reja miratohen sipas WLTP (World Harmonised Light Vehicle Test Procedure), procedurë testimi e harmonizuar në nivel botëror për automjetet e pasagjerëve dhe automjetet e lehta tregtare, një procedurë testimi më realiste për matjen e konsumit të karburantit dhe emetimet CO₂. Që prej datës 1 shtator 2018 WLTP ka zëvendësuar "Ciklin e ri Evropian të Drejtimit" (NEFZ). Për shkak të kushteve më reale të testimit, vlerat e konsumit të karburantit dhe të emetimeve CO₂ të matura sipas procedurës WLTP janë në shumë raste më të larta se ato të matura nga NEDC. Gjatë fazës së tranzicionit për tek WLTP, ligji e kërkon raportimin e vlerave të llogaritura sipas NEDC. Për sa u përket makinave të reja të cilat janë miratuar si modele sipas WLTP, vlerat NEDC llogariten nga vlerat WLTP. Taksat (p.sh. NoVA) dhe tarifat e tjera që lidhen me automjetin (sidomos kompensimet jomonetare), të cilat (gjithashtu) bazohen në vlerën e CO₂, llogariten në bazë të vlerës të CO₂ të rillogaritur sipas NEDC. Më shumë informacion mund ta gjeni në faqen www.volkswagen.at/wltp ose të kontaktoni një pikë shitje të autorizuar. Automjetet e paraqitura në këtë prezantim mund të ndryshojnë në disa detaje nga programi faktik i porosive në Austri. Në disa raste, ka pajisje të veçanta që vijnë me çmim shtesë. Të gjitha çmimet janë udhëzuese, jo detyruese e të pa negociueshme që përfshijnë taksën standarde të konsumit (NoVA), 20% TVSH, tarifën e transportit dhe nuk marrin parasysh shtesat ose zbritjen e NoVA sipas nenit 6 të Ligjit për taksën standarde të konsumit. Për të lehtësuar leximin e teksteve, kemi zgjedhur formën mashkullore ose femërore të fjalëve personale. Kjo në asnjë mënyrë nuk nënkupton diskriminim me bazë gjinie. Faleminderit për mirëkuptimin.
